好耐好耐之前，我就梦想有一只属于自己嘅狗。不过我哋成家人住喺出租屋，而房东又话一定唔可以养狗。爸爸已经同房东倾过好几次，但系都冇用。哎，呢个世界上就系有啲唔好沟通嘅人。
房东话，其他租客唔希望睇到屋入面有狗。呢个简直就系乱噏（胡说）——我识住喺三楼同四楼嘅人，佢哋都好想养一只狗。事实上系房东自己唔中意狗。
我爸爸曾经讲过：“其实呢个同中唔中意狗冇乜嘢关系，佢系因为唔中意自己，所以都唔愿意见到其他人开开心心。”
于是我揾机会仔仔细细咁观察咗房东，佢真系生得肉酸（丑）。
后来我妈妈又向佢提起养狗嘅事，佢竟然寄咗封信俾我哋，恐吓我哋，要我哋从呢间屋入面搬出去。
直到宜家我依然认为，冇人有权禁止其他人养狗。
但系从唔可以养宠物呢一点嚟睇，自己买翻间屋真系一件非常之有必要嘅事。
过咗一排，爸爸妈妈真系买咗一间有花园嘅屋，于是我有咗自己嘅房，呢种感觉实在系太好啦，就好似生活喺天堂入面咁样。
不过爸爸妈妈就冇咁开心啦，佢哋成日都好愁，因为买屋使嘅钱超过预算好多。我隐约咁听到，屋企嘅钱变得好紧张。所以我决定呢几个星期都将自己嘅愿望摆喺心入面，唔讲俾爸爸妈妈听，不过我真系好想好想有一只属于自己嘅狗仔啊。
一日朝早，妈妈好激动咁叫醒我：“吉娅，快啲起身，我们屋企门口训住一只受咗伤嘅狗！”
我即刻就喺床上面跳起身，冲落楼下。
真?！喺我哋间屋同车库之间嘅角落头嗰度训住一只白色嘅狗仔，佢训着咗，但系训得唔系好??（睡得不是很熟）。
佢嘅身上面有一条好长嘅伤口，一直延伸到后脚，流咗好多血，，可能系俾其他狗咬伤咗。佢一定系拖住受伤嘅身体爬咗好耐先到呢度，最后精疲力尽咁训着咗。
我好心痛，心入面不由自主咁讲：“系边只恶狗咬伤咗呢只咁得意嘅狗仔啊？”
忽然之间，狗仔醒咗，佢擘开咗佢嗰对圆碌碌嘅眼，望吓我，跟住努力咁爬起身，但系佢实在系太虚弱啦，成身震紧，两只爪喺光滑嘅石板上面点都撑唔起身，即刻又趴翻落地，我即刻抱住佢。
我同妈妈小心咁将佢抱上车，跟住去咗兽医诊所。医生帮狗仔缝好伤口，又帮佢打咗一针，佢的确系俾其他狗咬伤嘅，但系伤得唔系好重，好快就会好翻。佢仲同我哋讲，呢只狗系拉布拉多猎犬。呢种狗非常善良、聪明，而且对小朋友特别友善。因为呢啲特点，拉布拉多经常会俾人训练成导盲犬。医生讲解嗰时，我轻轻咁摸住狗仔柔软嘅毛，心入面谂，佢真系太得意啦。
当我哋带佢翻屋企嗰时，佢仲训得好??(睡得很熟)，我哋将佢小心咁放喺一块软绵绵嘅布垫上面。我嘅目光一直都离唔开佢，心入面谂：“希望佢可以快啲好翻啦。”
就好似医生讲嘅咁样，狗仔好快就恢复咗健康。呢个时候我又开始担心：呢只狗系喺边度走过嚟嘅呢？佢嘅主人系边个呢？我哋可唔可以就咁样将佢养喺屋企啊？我嘅心入面忽然之间好惊，如果爸爸妈妈唔想要呢只狗，咁点算阿？因为我哋宜家好缺钱。谂到呢样嘢，我就好似一只漏气嘅皮球咁，即刻就冇嚟神气。
我哋梗系要去揾失主嘅，但系我心入面暗暗希望永远都唔好揾到。
爸爸登咗个广告先，仲打咗个电话俾附近嘅动物收容所，但系都冇听到有人揾紧呢只拉布拉多犬。
揾失主嘅呢段时间，狗仔每日都同我哋起埋一齐，我哋对佢嘅痛锡（疼爱）都与日俱增。冇几耐，佢就成为咗我哋屋企嘅一部分啦。
一日朝早，我同狗仔一齐玩，一直玩到攰到跑唔郁，我先过去食早餐。爸爸妈妈又喺度倾钱嘅事。呢个系我最唔愿意听到嘅话题，因为一方面我听唔明佢哋讲嘅嘢，另外只要佢哋倾起呢个话题，大家就都会变得垂头丧气。
佢哋停落嚟嗰时，我将话题引到一件我认为更加重要嘅事上面：“狗仔到底应该叫乜嘢名啊？”爸爸妈妈都答唔到我，因为我哋根本就唔知道狗仔嘅名。
我觉得咁样唔好。狗仔真系需要一个名。呢只毛茸茸嘅狗仔缩成一团训喺我只脚隔离嘅布垫上面，我一直睇住佢，绞尽脑汁，但系点都谂唔到一个合适嘅名。
呢个时候爸爸妈妈仲喺度继续讨论钱嘅问题。忽然，爸爸大声咁叹咗啖气，话：“钱钱钱，乜嘢都要钱！”
狗仔一下就醒咗，行去爸爸嗰度。
“钱啊！”我又叫起身，“佢对‘钱’呢个字有反应！”狗仔听到我嘅声音，又即刻行嚟我呢度。
“佢应该叫‘钱钱’，因为呢个系佢自己拣嘅名。”
不过妈妈一啲都唔中意呢个名，佢话：“我哋点可以将一只狗叫做‘钱’喔？”
爸爸就觉得呢个名好有意思，佢话：“咁样嘅话，我哋一讲‘钱’，钱就会过嚟，咁唔系几好咩？如果真系咁样，我哋大家就可以过无忧无虑嘅生活啦。”当然，佢讲呢句话嗰时，根本就冇意识到，一切就好似佢所讲嘅咁样。
于是，呢只拉布拉多犬就有咗“钱钱”呢个名。
追梦的对外汉语老师